Zona Kultural Kòrsou i su balor agregá supstansial den desaroyo duradero i sostenibel di Kòrsou.

 

Introdukshon i Motivashon

Yanüari 2017 direktornan di Fundashon Kas di Kultura Kòrsou (FKdKK) i Teatro Luna Blou (TLB) a tuma e promé pasonan pa traspasá operashon di Teatro Luna Blou i La Tentashon pa Fundashon Kas di Kultura Kòrsou. Motibu prinsipal pa kuminsá kana e trayekto aki tabata pa garantisá kontinuidat di e produktonan di teater ku gobièrnu ta supsidiá.
E akshon aki a habri oportunidat pa FKdKK drecha e kondishonnan pa por realisá su ophetivonan stipulá den Statuto (E forma pa hasi esaki a keda deskribí ariba.)

Dia 22 di Sèptember ùltimo, Kas di Kultura Kòrsou a kuminsá ku su filial nobo, Zona Kultural Kòrsou. For di e presentashon enserá boso por haña un idea bastante detayá di e konsepto Zona Kultural Kòrsou i su balor agregá supstansial den desaroyo duradero i sostenibel di Kòrsou.

Pa e trayekto Zona Kultural Kòrsou por ta eksitoso, e lo mester sirbi kultura, ekonomia i bida sosial na Kòrsou. E trayekto tin entre otro un potensial real di kuponan di trabou struktural pa yunan di Kòrsou.

Kas di Kultura ta un fundashon ku ta risibí supsidio di Gobièrnu pa realisá e produktonan di Gobièrnu, Sin embargo Zona Kultural Kòrsou no ta un di e produktonan aki i pa e motibu ei nos mester buska finansiamentu i/òf generá entrada pa kubri e gastunan.