Zona Kultural Kòrsou i su balor agregá supstansial den desaroyo duradero i sostenibel di Kòrsou.

 

Introdukshon i Motivashon

Yanüari 2017 direktornan di Fundashon Kas di Kultura Kòrsou (FKdKK) i Teatro Luna Blou (TLB) a tuma e promé pasonan pa traspasá operashon di Teatro Luna Blou i La Tentashon pa Fundashon Kas di Kultura Kòrsou. Motibu prinsipal pa kuminsá kana e trayekto aki tabata pa garantisá kontinuidat di e produktonan di teater ku gobièrnu ta supsidiá.
E akshon aki a habri oportunidat pa FKdKK drecha e kondishonnan pa por realisá su ophetivonan stipulá den Statuto (E forma pa hasi esaki a keda deskribí ariba).

Teater Norman de Palm ta un sala multi funshonal kaminda por presentá diferente evento manera obra teatral, konsierto, show musikal, show di baile, pelíkula i reunionnan.Parti posterior di e sala tin dos kamber pa artistanan. E ta ekipá ku mekser di lus i zonido. Tin un kapasidat di 220 stul. Ora ku ta nesesario por pone stul èkstra den e bandanan ku ta sera un total di 240 stul. E tarima ta 6m x 12m

La Tentashon ta un sala multi funshonal kaminda por presentá diferente evento manera obra teatral, konsierto, show musikal, show di baile, pelíkula i reunionnan. Parti posterior di e sala tin dos kamber pa artistanan.

E ta ekipá ku mekser di lus i zonido.Tin un kapasidat di 170 stul. Ora ku ta nesesario por pone stul èkstra ku ta será un total di 200 stul. E tarima ta 12m x 12m.