Kultura ta hasi nos e hende ku nos ta. Sin Kultura nos ta leu for di nos rais i historia. Esta nos ta pone tantu nos presente komo nos futuro na peliger.

 

Mishon di Zona Kultural Kòrsou


Kultura ta hasi nos e hende ku nos ta. Sin Kultura nos ta leu for di nos rais i historia. Esta nos ta pone tantu nos presente komo nos futuro na peliger. Ekspreshon kultural, si ta trata di un kuenta kontá, hasi müzik, pinta un kuadro, un forma di baila, un bon plato kriyoyo o lo ke sea, ta eksponé i propagandá nos kultura. Banda di e balor esensial aki, Kultura ta un balor agregá grandi den nos ekonomia, turismo, edukashon i bida sosial. Kultura ta un di e instrumentonan pa halsa kalidat di bida i forma nos nashon.
Ta nos deseo pa den estrecho kolaborashon ku partnernan kultural den vèlt, empresario i boluntario, nos krea oportunidatnan kultural vibrante pa nos komunidat i bishitante. Kòrsou tin un historia ku realmente ta bale la pena nos konta.
Zona Kultural Kòrsou ta intenshoná pa konta ehistoria mas kompletu posibel na benefisio di nos Pais Kòrsou.

Kas di Kultura ta konvensi ku kultura ta e lubrikante den e retonan ku nos ta enfrentá den nos pais: kalidat di bida, empleo, desaroyo ekonómiko, sostenibilidat i mantenshon di nos patrimonio/herensia kultural. Imaginashon a traves di nos Kultura i Arte ta hasi horizonte leu visibel, i asina krea konfiansa pa realisá un mihó futuro. Pa e motibu aki nos ta determiná pa realisá nos ophetivonan.
 

Ku Zona Kultural Kòrsou nos ke logra:


Engrandesé / enrikesé konosementu di Kultura i Arte;
Edifikashon di nos Kultura i Arte;
Ekposishon di Kultura i Arte;
Edukashon di Kultura i Arte;
Ekspreshon di Kultura i Arte;
Eksperensia di Kultura i Arte;